- अर्थ सरोकार सम्बाददाता
काठमाडौँ । लुम्बिनी विकास बैंक र सेन्ट्रल डाइगोनेष्टिक ल्याबोरेटोरी कमलपोखरी, काठमाडौँबीच सम्झौता भएको छ ।
सम्झौता अनुसार बैंकका कर्मचारी एवम् निजका आक्षित परिवार सदस्यहरु, डेबिट कार्ड बाहक तथा बैंकका मोबाइल बैकिङ्ग प्रयोगकर्ता साथै निक्षेपकर्ता र ऋणीहरुलाई नोबेल कोरोना भाइरस जाँचको लागी पिसीआर परीक्षण तथा सामान्य प्याथोलोजी परीक्षण सुविधाहरुमा १०% देखि २५% सम्म छुट प्रदान गर्ने सम्झौता गरेको छ ।
उक्त सुविधा ल्याबोरेटोरीको कमलपोखरी, काठमाडौ स्थित मुख्य कार्यालय तथा बीरगञ्जमा अवस्थित शाखा कार्यालय नारायणी सेन्ट्रल ल्याबबाट समेत प्राप्त गर्न सकिने छ ।
उक्त सम्झौता पत्रमा बैंकको तर्फबाट बैंकका नायब प्रमुख कार्यकारी अधिकृत उमेश रेग्मी र ल्याबोरेटोरीको तर्फबाट प्रमुख कार्यकारी अधिकृत उमेशप्रसाद गुप्ताले हस्ताक्षर गरेका हुन् ।
