- अर्थ सरोकार सम्बाददाता
आजको अंकमा हामीले घरखर्च जुटाउन गिट्टी कुट्दै महिलादेखि देशभर अरु कहाँ-के भयो भन्नेसम्मका दृश्यलाई फोटो समाचारमा समेटेका छौं ।
हेरौं फोटो समाचार :
कैलालीको गोदावरी नगरपालिका–८ स्थित खुटिया नदी छेउमा घरखर्च जुटाउन गिट्टी कुट्दै महिलाहरू ।
सायल गाउँपालिकामा समयमै धान पाकेपछि काट्न व्यस्त किसान । 
भोजपुरको पौवादुङमा गाउँपालिकामा ढाकाको कपडा बुन्न सिक्दै महिला । हातको सहायता तयार गरिएका ढाकाको एउटा साडीको मूल्य रु २५ हजारसम्म पर्ने उनीहरुले बताउने गरेका छन् । 
भरतपुर महानगरपालिका– २ क्षेत्रपुरमा रहेको मास्क उत्पादन गर्ने कालिका फेब्रिक उद्योगमा काम गर्दै महिला ।
दाङको घोराही उपमहानगरपालिका–७ घुसुराका कोशिश गौतम र प्रयास गौतमले गरेको व्यावसायिक बाख्रापालन । पछिल्लो समय उहाँहरुले बाख्रापालनबाट मनग्य आम्दानी गर्दै आउनुभएको छ । 
पाल्पाको तानसेन नगरपालिकाको असन टोलमा बेच्न राखिएको सागको मुठा मिलाउँदै व्यवसायी । पाल्पाको बजारमा सागको माग बढ्दो छ । प्रतिमुठा साग तीसदेखि पचास रुपैयाँमा बिक्री हुँदै आएको छ ।
पाल्पाको तानसेन नगरपालिकाको नारायणस्थानस्थित धागो पसलमा देखिएको महिलाको भीड । तानसेनमा समुदायस्तरमा कोरोना देखिए पनि पसलमा मानिसको भीड लागेको छ । महिलाले घरमा बसी धागोबाट जाडोमा लगाउने स्वीटर, टोपी, मोजा तथा सजावटका सामान बनाउने चलन छ । 
जाजरकोट सदरमुकामको भेरी नगरपालिका–१३ स्थित कुदुबासी भेरी नदीको किनारमा पिउने पानी भर्दै ।
कालीगण्डकी करिडोरअन्र्तगत रामपुर नगरपालिका वडा नं १ स्थित स्याउली बजार साँखर्दी सडकखण्ड । वर्षाको पानीले सडक भत्किएपछि आवतजावतमा समस्या परेको छ ।
रामपुर नगरपालिका वडा नं ३ स्थित गण्डकीढिक क्षेत्रमा पक्की नाली बनाउने काम हुँदै ।
पूर्वपश्चिम राजमार्गअन्तर्गत कैलालीको गौरीगंगा नगरपालिका–३ झिलमा सडक मर्मत गर्दै कामदार । 
पोखरा– १० अमरसिंहमा रहेको आजीवन कृषि उपज केन्द्रमा मुस्ताङको आलु खरिद गर्न आएका उपभोक्ता ।
जाजरकोट सदरमुकाममा मोटरसाइकल धेरै गुड्न थालेपछि ट्राफिक प्रहरीले ठाउँठाउँमा अनुमतिपत्र एवं कागजपत्र जाँचलाई तीव्रता दिँदै ।
ढोरपाटनस्थित भुजीखोलामा आएको बाढी पसेपछि बगर पल्टिएको खेत ।
