- अर्थ सरोकार सम्बाददाता
काठमाडौं । सांग्रिला डेभलपमेन्ट बैंक लिमिटेडले नयाँ ब्याजदर सार्वजनिक गरेको छ । बैंकले आज (भाद्र २३ गते) बाट लागु हुनेगरी मुद्दती खाताको नयाँ ब्याजदर सार्वजनिक गरेको हो ।
प्रकाशित विवरण अनुसार बैंकको मुद्दती खाताको व्यक्तिगत तर्फ ३ महिनाको लागि ७.५० प्रतिशत, ३ महिनादेखि १ वर्षसम्मको लागि ८ प्रतिशत र १ वर्षमाथिको लागि ८.५० प्रतिशत ब्याजदर कायम गरेको छ । संस्थागत तर्फ ३ महिनाको लागि ६ प्रतिशत, ३ महिनादेखि १ वर्षसम्मको लागि ६.५ प्रतिशत र १ वर्षमाथिको लागि ७ प्रतिशत निर्धारण गरेको छ।
