- अर्थ सरोकार सम्बाददाता
काठमाडौँ । सानिमा जनरल इन्स्योरेन्सको आइपिओ शुक्रबार (आज) बाँडफाँड भएको छ । बिक्री प्रबन्धक एनआईसी एशिया क्यापिटलको कार्यालयमा कम्पनीको आइपिओ बाँडफाँड भएको हो ।
जसमा ५ लाख ९० हजार ५८५ जना आवेदकको हात खाली भएको छ। कम्पनीको सेयर २ लाख ७३ हजार जना आवेदकले मात्रै गोलाप्रथाबाट १० कित्ता शेयर हात परेका छन्।
इन्स्योरेन्सको आइपीओमा कुल ८ लाख ६६ हजार ९०५ जना आवेदकबाट १ करोड ८५ लाख ९१ हजार ५२० कित्ता आइपीओ खरिदको लागि आवेदन परेकोमा ३ हजार ३६० जना आवेदकबाट परेको ६२ हजार २८० कित्ता शेयरको आवेदन रद्द भएको क्यापिटलले जनाएको छ।
आइपीओमा ८ लाख ६३ हजार ५८५ आवेदनबाट १ करोड ८५ लाख २९ हजार २४० कित्ता शेयर खरिदको लागि रितपुर्वक आवेदन परेकोमा गोलाप्रथाबाट २ लाख ७३ हजारलाई बाँडफाँड गरिएको हो । कम्पनीले असोज २१ गतेदेखि २५ गतेसम्म एक सय रुपैयाँ अंकित दरका ३० करोड रुपैयाँ बराबरको ३० लाख कित्ता आईपीओ निष्काशन गरेको थियो ।
आइपीओको नतिजा अर्थ सरोकार डटकममा हेर्न सकिन्छ।
