जेल भन्ने बित्तिकै हामी अपराधीहरु राखिने ठाउँ बुझ्छौँ र हो पनि । जेल भन्ने बित्तिकै नारकीय जीवन हुन्छ भन्ने हामीमध्ये धेरैको सोच हुन्छ । तर क्युबामा यस्तो जेल छ जहाँ कैदीका लागि करोडौं खर्च हुन्छ । यो जेल ग्वान्तानामो खाडीको तटीय क्षेत्रमा छ, जहाँ अहिले ४० जना कैदी छन् । र, हरेक कैदीका लागि ग्वान्तानामो जेलमा वार्षिक रुपमा औषतमा झण्डै डेढ अर्ब रुपैयाँ बराबरको रकम खर्च हुन्छ ।
न्युओर्क टाइम्सका अनुसार उक्त जेलको सुरक्षार्थ झण्डै १८ सय सैनिक तैनाथ छन् । जेलमा तैनाथ सैनिकहरुका लागि मात्र हरेक वर्ष ६५ अर्ब रुपैयाँ बराबरको रकम खर्च हुन्छ । किन यस्तो धेरै खर्च गरेर यतिका धेरै सैनिक राखिन्छ त ? खासमा तथ्य के हो भने, त्यहाँ निकै कुख्यात तथा खतरनाक अपराधी कैदीहरु राखिएको छ । सन् २००१ को सेप्टेम्बर ११ मा अमेरिकाको ट्विन टावर आक्रमणका योजनाकार खालिद शेख मोहम्मद समेत त्यहीँ जेलमा राखिएका छन् ।
जेलमा दुईवटा गुप्तचर मुख्यालय र ३ वटा अस्पलतासमेत रहेका छन् भने वकिलका लागि समेत अलग अलग क्षेत्र छुट्टाइएको छ । साथै उक्त जेलमा चर्च, जिमखाना र सिनेमाघरको समेत व्यवस्था गरिएको छ ।
