• अर्थ सरोकार सम्बाददाता 

काठमाडौं । जनरल इन्स्योरेन्सले चालु आर्थिक वर्षको पहिलो त्रैमास २ करोड ३७ लाख ८५ हजार रुपैयाँ नाफा कमाएको छ । कम्पनीको यो नाफा अघिल्लो वर्षको यसैअवधिमा भन्दा ३०७.६२% ले बढी हो । अघिल्लो वर्षको यसैअवधिमा कम्पनीले ५८ लाख ३५ हजार रुपैयाँ नाफा कमाएको थियो । 

यस्तै कम्पनीको यस अवधिमा खुद बिमा शुल्क २ करोड ७० लाख रुपैयाँले बढेर ९ करोड ७५ लाख ४१ हजार रुपैयाँ पुगेको छ भने बिमा कोषको आकार पनि १००.३१% ले बढेर ६ करोड २९ लाख रुपैयाँ पुगेको छ । जगेडा कोषमा ५ करोड ७२ लाख ८६ हजार रुपैयाँ रहेको यस कम्पनीको चुक्ता पुँजी १ अर्ब रुपैयाँ रहेको छ । कम्पनीको प्रतिसेयर आम्दानी ९ रुपैयाँ ५१ पैसा र प्रतिसेयर नेटवर्थ ११२ रुपैयाँ ६६ पैसा रहेको छ ।