- अर्थ सरोकार सम्बाददाता
काठमाडौं । हिमालयन बैंकले आफ्ना लगानीकर्ताहरुलाई २०% लाभांश दिने घोषणा गरेको छ । बैंकको आइतबार बसेको सञ्चालक समिति बैठकले गत आर्थिक वर्षको नाफाबाट १४% बोनस सेयर र ६% नगद गरी कुल २०% लाभांश दिने निर्णय गरेको हो ।
सञ्चालक समितिको निर्णय नियामक नेपाल राष्ट्र बैंक र आगामी वार्षिक साधारण सभाले अनुमोदन गरेपछि कार्यान्वयन हुनेछ । बैंकले अघिल्लो वर्ष १०% बोनस सेयर र १२% नगद गरी कुल २२% लाभांश दिएको थियो ।
