NABIL AD

“…यहाँ कोरोनाको छ चिन्ता तिमी कर-कर भन्छौ, साच्चै नबुझ्ने हौ की नबुझ्ने जस्तै बन्छौ ?”

GARIMA BANK

  • सुदर्शन श्रेष्ठ/अर्थ सरोकार सुदूरपश्चिम ब्युरो 
धनगढी । कोरोना भाइरसका कारण देश आर्थिकमन्दीको सामाना गरिरहेको छ । संक्रमणको जोखिमलाई मध्यनजर गर्दै गत चैत्र ११ गतेदखी देशव्यापी रुपमा गरिएको लकडाउनमा सम्पुर्ण क्षेत्र संकटमा पर्यो । व्यापार व्यवसाय चौपट भयो, अर्थतन्त्र नाजुक बन्दै गयो । त्यसबीचमै सरकारले तिनुपर्ने कर बुझाउनका लागि आदेश जारी गर्यो । 

कर बुझाउनको लागि राजस्व कार्यालय पुगेका धनगढी उपमहानगरपालिकामा व्यापार गर्दै आएका रुद्र शाही निकै चिन्तित देखिन्थे । एकातिर कोरोनाको कहर त अर्कोतिर सरकारलाई तिर्नुपर्ने कर । व्यापार सञ्चालन गर्न नपाउँदा चिन्तित बनेका शाहीलाई निकै ठूलो संकट सृजना भयो । उनले भने, ‘जसोतसो कर चुक्ताका लागि जनता सम्बन्धित राजस्व त पुगेँ तर कर बुझाउनेको उदेग लाग्दो भिडले थप चुनौती सृजना गर्यो ।’ 

शाहीजस्तै कर बुझाउनकै लागि सयौँको संख्यामा नागरिक राजस्व कार्यालय धनगढीमा पुगेका थिए । बिहानदेखी लाईनमा बस्दा बस्दा सास्ती भोग्नुपरेको गुनासो अर्का सेवाग्राही अमृत चौधरीले गरे उनले भने, ‘कोरोनाको डर त छँदै थियो सरकारको आदेशले झनै चिन्तित बनाएको छ ।’ ‘समयमा कर नतिरे फाईनमा परिएला भन्ने पिरले यहाँसम्म त पुगियो तर कोरोना लाग्ने पिरले झनै पिरोलेको छ’, उनले भने । 

दैनिक रुपमा कोरोना भाइरसको संक्रमण तिव्र गतिमा फैलिरहेका बेला राजस्व कार्यालयको भिडले संक्रमणलाई गिज्याईरहेको छ । राजस्व कार्यालयमा पुग्ने सेवाग्राहीकोबीचमा सामाजिक दुरी नहुँदा जोखिम झनै बढी देखिन्छ । कतिपयले त झनै मास्कको प्रयोग समेत गरेका छैनन् । यसरी सरकारी कार्यालयमा देखिने लापरवाहीले कोरोना रोकथाम तथा नियन्त्रणमा सरकारलाई चुनौती सृजना गरिरहेको छ ।
MEGA

प्रतिक्रिया दिनुहोस्

सिफारिस:

अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2022.

Artha Sarokar® Trademark Registered. Regd. No. : 047796

Maintained By : Eservices Nepal