• अर्थ सरोकार सम्बाददाता 

काठमाडौं । नेपाल बैंक लिमिटेडले दाङ जिल्लाको लमहीमा १९२औं शाखा संचालनमा ल्याएको छ । बैंकले आफ्नो स्थापनाको ८४औं वर्ष प्रवेशको अवसरमा लमहीमा १९२औं शाखाको आईतबार उद्घाटन गरेकाे हो । लमही नगरपालिकाका प्रमुख कुलबहादुर खत्री क्षेत्री तथा बैंकका सहायक प्रमुख कार्यकारी अधिकृत प्रकाशकुमार अधिकारीले सो शाखाको संयुक्त रुपमा उद्घाटन गरे ।

यससँगै बैंकको नेटवर्क २०३ शाखा, ३८ एक्स्टेन्सन काउण्टर, १३२ एटिएममा विस्तार भएको छ । बैंकका सहायक प्रमुख कार्यकारी अधिकृत प्रकाशकुमार अधिकारीले वार्षिकोत्सवको उपलक्ष्यमा ने.बै.लि. एनिर्भसरी व्यवसाय कर्जाको सुरुवात गरेको जानकारी गराए ।