- अर्थ सरोकार सम्बाददाता
काठमाडौं । चालु आर्थिक वर्षको पहिलो त्रैमासमा नेपाल इन्स्योरेन्सले ५ करोड ४५ लाख ४४ हजार रुपैयाँ खुद नाफा कमाएको वित्तीय विवरण सार्वजनिक गरेको छ । कम्पनीको यो नाफा गत वर्षको यसै अवधिको भन्दा १०.९९% ले बढी हो । गत वर्षको यसै अवधिमा कम्पनीले ४ करोड ९१ लाख ४१ हजार रुपैयाँ नाफा कमाएको थियो ।
सार्वजनिक वित्तीय विवरण अनुसार कम्पनीको खुद बिमा शुल्क र बिमा कोषको आकार पनि बढेको छ । कम्पनीको खुद बिमा शुल्क २०.१५% ले बढेर १९ करोड ५ लाख ४० हजार रुपैयाँ पुगेको छ भने बिमा कोषको आकार ४६.१९% ले बढेर ४५ करोड ५८ लाख ७० हजार रुपैयाँ पुगेको छ ।
१ अर्ब १५ करोड ३ लाख १३ हजार रुपैयाँ चुक्ता पुँजी रहेको यस कम्पनीको जगेडा कोषमा ३८ करोड ९२ लाख ८० हजार रुपैयाँ छ । यस्तै प्रतिसेयर आम्दानी १९ रुपैयाँ ९१ पैसा र प्रतिसेयर नेटवर्थ १७३ रुपैयाँ ४७ पैसा रहेको छ ।
