- अर्थ सरोकार सम्बाददाता
काठमाडौं । नेपाल एसबीआई बैंकले आफ्ना लगानीकर्ताहरुलाई ९.४७% लाभांश दिने भएको छ । बैंकको बिहीबार बसेको सञ्चालक समिति बैठकले आर्थिक वर्ष २०७६–७७ को नाफाबाट ६% बोनस र करसहित ३.४७% नगद लाभांश दिने निर्णय गरेको हो ।
जसअनुसार बैंकले ५३ करोड ७३ लाख ७२ हजार ९३१ रुपैयाँ बराबरको बोनस वितरण गर्नेछ भने ३१ करोड ७ लाख ८० हजार रुपैयाँ नगद लाभांश बाँड्नेछ । नेपाल राष्ट्र बैंक र आगामी वार्षिक साधारणसभाले अनुमोदन गरेपछि मात्र उक्त लाभांश लगानीकर्ताहरुले पाउनेछन् । गत वर्ष बैंकले ६% बोनस र १०.८४% नगद लाभांश वितरण गरेको थियो ।
