- सुदर्शन श्रेष्ठ/अर्थ सरोकार सुदूरपश्चिम ब्युरो
धनगढी । आफ्नो देश छोडी विदेशिने रहर कसलाई पो हुन्छ र ? तर शरिर धान्नको लागि पनि पेट भर्न अति नै जरुरी हुन्छ । कोरोनाले जागिर खोस्यो, जेनतेन कमाएर ल्याएको सबै पैसा सकिएपछि सयौँको संख्यामा नेपालीहरु भारत प्रवेशका लागि सिमानाकामा पुग्ने गरेका छन् ।
मानव सभ्यतालाई नै चुनौति दिनेगरी माहामारीको रुप लिएको कोरोना भाइरसको आतंकले विश्वलाई घुँडा टेकाएको छ । भारतमा मजदुरी गर्दै आएका कयौँ नेपालीहरु जागिरविहिन बनेपछि मरेपनि स्वदेशमै मर्छु भन्दै नेपाल फर्किएका उनिहरु त्यहि ज्यान जोगाउनको लागि भारत छिर्न थालेका छन् । देशमा संघियता र गाउँगाउँमा सिंहदरबारको नारा गुञ्जिरहेको बेला आफुले भने सरकार भएको अनुभुति गर्न नपाएको भारत प्रवेश गर्दै गरेका रमेश आउजीले बताए । उनले भने, ‘जति गुहार गरेपनि यो सरकारले आफ्नो स्वार्थ मात्रै देख्छ, हाम्रो दुःख होइन ।’
काखैमा हुर्किदै गरेको दुधे बालकसँगै वृद्धहरुपनि यतिबेला सिमानाकामा परदेश जाने लामो लाईनमा उभिएका देखिन्छन् । सिमानाकामा पुगेका उनिहरुको मुहारमा कोरोनाको डर, त्रास भन्दापनि बढी भोक र पिर स्पष्ट देखिन्छ । बाँकी फोटो फिचरमा हेर्नुहोस्…
