• अर्थ सरोकार सम्बाददाता 

काठमाडौं । सनराइज बैंक लिमिटेडले आफ्ना लगानीकर्ताहरुलाई ८.२८% लाभांश दिने भएको छ । बैंकको आइतबार बसेको सञ्चालक समिति बैठकले गत वर्षको नाफाबाट लगानीकर्ताहरुलाइ ५.८०% बोनस सेयर र २.४८% नगद गरी कुल ८.२८% लाभांश दिने निर्णय गरेको हो ।

उक्त लाभांश नियामक नेपाल राष्ट्र बैंक र आगामी साधारण सभाले अनुमोदन गरेपछि लगानीकर्ताले पाउनेछन् । बैंकले ५२ करोड १ लाख ३३ हजार ६३.२९ रुपैयाँ बराबरको बोनस वितरण गर्नेछ भने २२ करोड २४ लाख १ हजार ७२३.६२रुपैयाँ नगद लाभांश बाँड्नेछ । बोनस वितरणपछि चुक्ता पूँजी ९ अर्ब ४८ करोड ७९ लाख ४४ हजार ४९९ रुपैयाँ पुग्नेछ ।