बेइजिङ । चिनियाँ कम्युनिस्ट पार्टी सी जिन पिङ नेतृत्वको चीन सरकारले भारतसहितका आफ्ना विदेशी वाणिज्य दूतावासहरुको दुरुपयोग गर्दै जासुसीमा संलग्न भएको तथ्यांक लिक भएको छ । विश्व शक्ति राष्ट्र बन्ने होडमा रहेको चिनियाँ कम्युनिस्ट पार्टी (सीसीपी) नेतृत्वको चीन सरकारले विभिन्न मुलुकमा आफ्ना जासुसी निकायहरुलाई थप सक्रिय पारेको छ । सीसीपीका लक्ष्यहरू र उसका गतिविधिहरु विश्व शक्ति बन्नका लागि चिनियाँ सरकारका वैमनस्यपूर्ण कार्यहरुको खुलासा भएपछि विभिन्न मुलुकहरुले आफ्नो सम्बन्धप्रति पुनर्विचार गर्ने गरेका छन् ।
राष्ट्रपति सी जिनपिङ नेतृत्वमा पार्टी र चिनियाँ सरकारले उनीहरूको वैदेशिक हस्तक्षेप र जासुसी कार्यहरु बढाएका छन् । पछिल्लो समय लिक भएको तथ्यांक अनुसार ठूला बहुराष्ट्रिय कम्पनीका साथै शंघाईमा रहेका विदेशी सरकार र विभिन्न मुलुकका वाणिज्य दूतावास र मिसनहरूमा कार्यरत १.९५ मिलियन सीसीपी सदस्यहरूको नाम, ओहदा, जन्मदिन र जातीयताको खुलासा गरिएको छ । शंघाई सर्भरबाट निकालिएको उक्त गोप्य तथ्यांक अनुसार प्रजातान्त्रिक शक्तिको लागि ठूलो सफलता हो । किनकि सीसीपी सदस्यहरूले शंघाईका धेरै विदेशी वाणिज्य दूतावासहरुमा घुसपैठ गर्न सकेको छ ।
सीसीपी सदस्यहरूले शंघाईमा कम्तिमा १० विदेशी परामर्शदाताहरुमा वरिष्ठ राजनीतिज्ञ र सरकारी मामिला विशेषज्ञहरु, क्लर्कहरु, आर्थिक सल्लाहकारहरु र कार्यकारी सहायकहरु जस्ता प्रमुख पदहरुमा रहेका छन् । विदेश मामिला विज्ञहरूले यो तथ्यांक लीकले सम्भवतः चिनियाँ ‘राज्य प्रायोजित जासूस घुसपैठ’ लाई खुलासा गरिदिएको बताएका छन् । सीसीपी सदस्यहरूलाई कन्सलमा कार्यरत भए पनि स्थिति जस्तोसुकै भए पनि प्रोटोकलको गम्भीर उल्लंघन र राष्ट्रिय सुरक्षाको लागि सम्भावित खतराको रुपमा हेरिएको छ । सीसीपी सदस्यहरू पनि कोरोनाविरुद्धको खोप फाइजर र एस्ट्राजेनेकाका कम्पनीहरुमा पनि रहेको पाइएको छ । अहिले कोरोनाविरुद्धका मुख्य दुई खोपमा पनि सीसीपी सदस्यहरु भएको पाइएको छ तर उनीहरुले कुनै तथ्यांक भने चोरी गरेको पाइएको छैन ।
