• अर्थ सरोकार सम्बाददाता 

काठमाडौं । साताको कारोबारको दोस्रो दिन सोमबार सुनको मूल्य  घटेको छ । आइतबार प्रतितोला ९२ हजार ५ सय रुपैयाँमा कारोबार भइरहेको छापावाला सुन आज १ सयले घटेर ९२ हजार ४ सय रुपैयाँमा कारोबार भइरहेको छ । 

यता चाँदीको मूल्य भने स्थिर रहेर प्रतितोला एक हजार २ सय रुपैयाँमा कारोबार भइरहेको छ । नेपाल सुनचाँदी व्यवसायी महासंघले आज प्रति १० ग्राम सुनको मूल्य ७९ हजार २२० रुपैयाँ तोकेको छ भने प्रति १० ग्राम चाँदीको मूल्य १ हजार २९ रुपैयाँ कायम गरेको छ ।