इस्लामाबाद । पाकिस्तान सरकारको नेतृत्व गरिरहेका इमरान खानको राजीनामा माग गर्दै देशभर विरोध प्रदर्शनहरु भइरहेका छन् । यही अवस्थामा पाकिस्तान लोकतान्त्रिक आन्दोलन (पीडीएम) गठबन्धनले पनि देशभर आन्दोलन चर्काउनुका साथै जनवरी ३१ सम्म राजीनामा दिइसक्न प्रधानमन्त्री खानलाई चेतावनीसमेत दिएको छ ।
एक भू-राजनीति विज्ञले पाकिस्तानको सेनाले धेरै हदसम्म सरकारलाई नियन्त्रणमा राखेको र चाँडै नै पीडीएमले सैन्यविरुद्ध कडा कदम चाल्नसक्ने बताएका छन् । विपक्षी गठबन्धन लगातार प्रधानमन्त्री इमरान खानले राजीनामा नदिए थप कडारुपमा प्रस्तुत चेतावनी दिएका छन् । सेनापतिहरूको समर्थन पाएर खान र उसको पाकिस्तान तहरीक-ए-इन्साफ पार्टी (पीटीआई) झुकाव असम्भव देखिन्छ, तर यसको विरोधको अर्को ठूलो लक्ष्य पनि छ,’ विभागका सहयोगी प्राध्यापक अकिल शाहले लेखेका छन् ।
ओक्लाहोमा विश्वविद्यालयमा अन्तर्राष्ट्रिय अध्ययन गरिरहेका शाहले थपे, ‘धेरै पाकिस्तानीहरूले सेनालाई खानको पछाडि वास्तविक शक्ति र देशको राजनैतिक र आर्थिक समस्याको कारणको रूपमा लिएका छन् । उनीहरूको क्रोधले एउटा उल्लेखनीय बदलाको अपेक्षा गरेको छ । जब प्रमुख राजनीतिक व्यक्तित्वले पहिलो पटक पाकिस्तानको सैन्य प्रभुत्वविरूद्ध बोलेका थिए । यो एउटा परिवर्तन हो ।’ अन्ततः राजनीतिक शक्ति मा सेनाको नियन्त्रण खतरापूर्ण हुनसक्ने उनले बताएका छन् । पीडीएमले सरकारलाई चुनौती दिदै देशभर र्यालीहरु आयोजना गरिरहेको छ ।
मिडियामा सेनाको नियन्त्रणको बयान गर्दै उनले लेखेका छन्, ‘मिडियामा सेनाको चोकोल्डले विभिन्न घोटालाको प्रभावलाई रोकिराखेको छ । सैन्य खुफिया एजेन्सीका अधिकारीहरू र सेनाको मिडिया, अन्तर–सेवा जनसम्पर्क नियमित रूपमा कुन समाचार प्रकाशन गर्ने भन्ने निर्णय गर्छन् । यसले पत्रकारमाथि दमनका घटनाहरु पनि बढ्दै गइरहेका छन् ।’ सेनाले देशको मुख्य भ्रष्टाचार एजेन्सी, नेशनल अकाउंटबिलिटी ब्यूरोलाई राजनीतिक बदमासीको उपकरणमा परिणत गरेकोसमेत उनले बताएका छन् । उनले भने कि आउँदै गरेको महिनामा विपक्षीको अभियान तीव्र हुने सम्भावना छ ।
