• अर्थ सरोकार सम्बाददाता 

काठमाडौं । आज नेपाल बैंकसहित ८ संस्थाको बोनस सेयरमा मूल्य समायोजन भएको छ । मूल्य समायोजन हुने संस्थाहरुमा नेपाल बैंक, एनएमबि बैंक, सेन्चुरी कमर्सियल बैंक, कामना सेवा विकास बैंक, शाइन रेसुँगा डेभलपमेन्ट बैंक, साना किसान लघुवित्त, साधना लघुवित्त र वरुण हाइड्रोपावर छन् ।  खुल्यो 

 

नेप्सेले नेपाल बैंकको १२% बोनस सेयरमा मूल्य समायोजनपछि भाउ प्रतिकित्ता ३३१ रुपैयाँ कायम गरेको छ । बिहीबार नेपाल बैंकको सेयर कारोबार सोही मूल्यलाई आधार मानेर खुलेको छ । 

एनएमबि बैंकको पनि १३% बोनस सेयरमा मूल्य समायोजन भएको छ । बोनस सेयरपछि एनएमबिको सेयर भाउ प्रतिकित्ता ३७८ रुपैयाँ कायम भएको छ । बिहीबार सोही मूल्यलाई आधार मानेर यसको कारोबार खुलेको छ । 

यस बैंकको ५.२५% बोनस सेयरमा मूल्य समायोजन भएको छ । समायोजनपछि प्रतिकित्ता भाउ १९९ रुपैयाँ तोकिएको छ । बिहीबार यही मूल्यलाई आधार मानेर सेन्चुरीको सेयर कारोबार खुला भएको छ ।  

यस बैंकको ४.४०% बोनस सेयरमा मूल्य समायोजनपछि प्रतिकित्ता भाउ २१६ रुपैयाँ तोकिएको छ । बिहीबार यही मूल्यलाई आधार मानेर कामना सेवाको सेयर कारोबार खुला भएको छ । नेप्सेले बुधबार अन्तिम कारोबार मूल्य २२५ रुपैयाँका आधारमा यसको मूल्य समायोजन गरेको हो । 

शाइन रेसुँगा डेभलपमेन्ट बैंकको १३% बोनस सेयरमा पनि मूल्य समायोजन गरिएको छ । समायोजनपछि यसको प्रतिकित्ता भाउ २३५ रुपैयाँ तोकिएको छ । बिहीबार यही मूल्यलाई आधार मानेर सेयर कारोबार खुला भएको छ । 

यस संस्थाको २५% बोनस सेयरमा मूल्य समायोजन भएको छ । समायोजनपछि प्रतिकित्ता भाउ १४ सय १५ रुपैयाँ कायम भएको छ । बिहीबार यही मूल्यलाई आधार मानेर सेयर कारोबार खुला भएको छ । 

यस्तै साधना लघुवित्तको १८% बोनस सेयरमा मूल्य समायोजन भएको छ । समयोजानपछि प्रतिकित्ता भाउ १ हजार ३८ रुपैयाँ तोकिएको छ । बिहीबार यही मूल्यलाई आधार मानेर साधनाको सेयर कारोबार खुला भएको छ ।

वरुण हाइड्रोपावरको ५% बोनस सेयरमा पनि मूल्य समायोजन भएको छ । समायोजनपछि यसको प्रतिकित्ता भाउ १७१ रुपैयाँ तोकिएको छ । बिहीबार यही मूल्यलाई आधार मानेर सेयर कारोबार खुला भएको छ ।