- अर्थ सरोकार सम्बाददाता
काठमाडौं । प्रिमियर इन्स्योरेन्सले आफ्नो स्वामित्वमा रहेको ५० हजार कित्ता संस्थापक सेयर आजदेखि बिक्रीमा ल्याएको छ । संस्थाले नागरिक लगानी कोष (सीआइटी) को संस्थापक सेयर आजबाट बिक्रीमा ल्याएको हो । यसमा न्यूनतम १९ सय रुपैयाँ भाउ राखेर आवेदन दिन सकिनेछ ।
यसमा बिक्री प्रबन्धक नबिल इन्भेष्टमेन्ट बैंकिङ नक्साल काठमाडौं र प्रिमियर इन्सुरेन्सको केन्द्रीय कार्यालय नक्साल काठमाडौंबाट पनि आवेदन दिन सकिनेछ । लगानीकर्ताले उक्त सेयरका लागि न्यूनतम मूल्य आधार मानेर सो वा सोभन्दा बढी भाउ अंकित गरी बोलपत्र पेश गर्नुपर्नेछ । यसमा पुस २ गतेसम्म बोलपत्र पेश गर्न सकिनेछ । लगानीकर्ताले न्यूनतम १०० कित्ता र १० ले भाग जाने गरी अधिकतम सम्पूर्ण कित्ताका लागि पनि आवेदन दिन सक्नेछन् ।
