">
हङकङ । चीनले हङकङमाथि हस्तक्षेप गर्न खोजेको भन्दै सन् २०१९ मा बृहत आन्दोलन भयो । हङकङ सरकारले चीनसँग सुपुर्गी गर्नका लागि ल्याएको विधेयकको विरोधमा सुरु भएको आन्दोलनले प्रजातन्त्र र स्वतन्त्रताको माग गर्न थाल्यो । उक्त आन्दोलनमा प्रजातन्त्रवादीहरुले चीनको चर्को आलोचना गरे । उक्त आन्दोलन सन् २०२० को सुरुसम्म चल्यो । चीनले पटक-पटक हस्तक्षेप गर्न खोजे पनि असफल भइरहेको थियो । कोरोना महामारी सुरु भएपछि आन्दोलनहरु स्थगित भए । एक मुलुक दुई प्रणाली भनेर बेलायतसँगो सम्झौतापछि हङकङ स्वतन्त्र राज्यको रुपमा रहेको थियो । तर, चीनले हरेक मामिलामा हस्तक्षेपकारी भूमिका खेल्न थालेपछि हङकङबासीहरु आक्रोशित भएर सडकमा आएका थिए ।
तर, कोरोना महामारीले गर्दा मानिसहरुलाई घरबाहिर निस्किन प्रतिबन्ध लगाएपछि आन्दोलनहरु स्थगित भए । तर, जुनमा चीनले एकाएक हङकङका लागि नयाँ सुरक्षा कानुन जारी गर्यो । उक्त कानुनसँगै हङकङको स्वतन्त्रतालाई र प्रजातान्त्रिक आन्दोलनलाई चीनले कुल्चियो । एलेक्स (नाम परिवर्तन) २०२० को सुरुमा प्रजातन्त्रको पक्षमा भएका आन्दोलन र प्रदर्शनहरुमा सहभागी भएका थिए । उनलाई जेसी लाउले हङकङको न्यू टाउन प्लाजामा रहेको “पीत” प्रजातन्त्र समर्थक क्याफेमा भेटेर कफी मगाएका थिए । शान्त क्षेत्र एकाएक रणभूमि बन्यो । त्यहाँ प्रजातन्त्र समर्थकहरुमाथि प्रहरी अधिकारीहरुले अश्रुग्यास प्रहार गर्यो । प्रहरीको गोली लागेर उनी घाइते भए, उनलाई मैले सहयोग गर्नसक्ने स्थिति थिएन ।
नोभेम्बर २०२० मा म एक वर्षको अशान्तिजनक परिवर्तन पछि पहिलो पटक घर फर्कें । यसपटक गत वर्षको जस्ता प्रदर्शनहरु हङकङ सहरहरुमा देखिँदैनन् । लोकतन्त्र समर्थक पोस्टर र कलाकृतिको विशाल प्रदर्शनहरु पनि देखिएका छैनन् । अहिले सहर सुनसान छ । विशाल हडताल र प्रदर्शनकारीहरू र प्रहरीबीच झडप भएका स्थलहरुमा विरलै मानिसहरु भेटिन्छन् ।
यस्तो हुनुको प्रमुख कारण हङकङ प्रहरीले प्रजातन्त्र समर्थित आन्दोलनमा सहभागी भएकाहरुलाई नियन्त्रणमा लिने, यातना दिने र जेल सजाय तोक्ने काम गरिरहेको छ । हङकङ सहरमा अहिले चिनियाँ जासुसहरुको बढ्दो बोलवाल छ । तर, पनि प्रजातन्त्रको माग गर्न भने अझै छोडेका छैनन् । उनीहरुमा प्रतिरोधको भावना भने अझै जिवित छ ।
