×

Live on

रेडियो अर्थ सरोकार

Listen to live radio.

संयुक्त राज्य अमेरिकाले चीनको सिन्जियाङमा उत्पादित वस्तुहरुमा लगायो प्रतिबन्ध

GLOBAL IME BANK

संयुक्त राज्य अमेरिकाले चीनको सिन्जियाङमा उत्पादित वस्तुहरुमा लगायो प्रतिबन्ध

७ माघ २०७७, बुधबार

पढ्न लाग्ने समय: १ मिनेटभन्दा कम

वाशिङ्टन । संयुक्त राज्य अमेरिकाले चीनको सिन्जियाङमा उत्पादित वस्तुहरुमा प्रतिबन्ध लगाएको छ । चीनको सिन्जियाङमा अल्पुसंख्यक उइगरहरुको जबरजस्ती श्रम शोषण गरेर वस्तुहरु उत्पादन गरिएका कारण उक्त वस्तुहरुमा अमेरिकाले प्रतिबन्ध लगाएको हो । अमेरिकी सीमा संरक्षणका अनुसार अमेरिकाले बुधबार चीनको सिन्जियाङबाट कपास र टमाटर उत्पादनमा प्रतिबन्धको घोषणा गरेको हो । जनवरी १३ देखि लागु हुनेगरि अमेरिकी भन्सार र सीमा सुरक्षा विभागलाई उक्त वस्तुको आयातमा प्रतिबन्ध लगाउन निर्देशन दिइएहो हो । 
‘जनवरी १३ देखि अमेरिकी भन्सार तथा सीमा संरक्षण (सीबीपी)ले चीनको सिन्जियाङ उइगर स्वायत्त क्षेत्रमा उत्पादन हुने कपास उत्पादन र टमाटर उत्पादनलाई रोक्न‍े काम गर्नेछ’, एजेन्सीले जारी गरेको विज्ञप्तिमा भनिएको छ । सिन्जियाङमा चीनले लाखौं उइगरहरुलाई यातना हिरासतमा राखिएको छ । उनीहरुको श्रम शोषणका लागि विभिन्‍न कम्पनीहरुमा लगाउने गरिएको छ । प्रतिबन्धित उत्पादनहरूमा कपडा, टमाटरको बीउ, क्यान्ड टमाटर, टमाटर ससलगायतका वस्तुमा प्रतिबन्ध लगाइएको छ ।
सीबीपीका कार्यवाहक आयुक्त मार्क ए मोर्गनले भने, ‘सीबीपीले चिनियाँ सरकारले उचित बजार मूल्यभन्दा कम संयुक्त राज्य अमेरिकामा सामान आयात गर्ने आधुनिक दासत्वको शोषणलाई सहने छैन ।’ चीनले उइगरमा नयाँ नरसंहार सुरु गरेको बताइएको छ । चीनको यस कदमको चौतर्फी विरोध र आलोचना भए पनि चीनले उइगरहरुलाई नियन्त्रणमा लिने र अल्पसंख्यक संस्कृतिलाई ध्वस्त पार्ने काम गरिरहेको छ ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: