">
बेइजिङ । चिनियाँ दूतावासले ट्विटरमा चिनियाँ उइगर महिलाहरुलाई अपमान गर्ने पोस्ट गरेको भन्दै माइक्रो बलिङ साइट ट्विटरले हटाएको छ । चीनले कट्टरपन्थी उन्मुलन गर्नका लागि गरिएको प्रयासको नतिजाको परिणामस्वरूप सिन्जियाङमा महिलाले ‘मुक्ति पाएको’ भनेर दाबी गरेको थियो । अमेरिकास्थित चिनियाँ दूतावासले उइगर महिलाहरुलाई चरमपन्थबाट ‘मुक्ति’ दिइएको र अब उनीहरु ‘बच्चा बनाउने मेसिन’ नभएको पोस्ट गरेको थियो ।
यस पोष्टले सिन्जियाङमा जबरजस्ती बाझोपन गरिएकी महिलाहरुको अपमान गरेको भन्दै ट्विटरले उक्त पोस्ट हटाएको हो । ट्विटरले यो पोष्टले ‘ट्विटर नियमहरूको उल्लंघन गरेको’ भनेको छ तर थप विवरण प्रदान गरेको छैन । चिनियाँ मुखपत्र चाइना डेलीको एक लेखमार्फत भनेको छ, ‘अध्ययनले देखायो कि उग्रवाद उन्मूलन गर्ने क्रममा सिन्जियाङमा उइगुर महिलाहरु मुक्त भएका छन् । लैंगिक समानता र प्रजनन स्वास्थ्यको प्रबर्द्धन गरिएको छ र उनीहरुले अब बच्चा जन्माउन सक्ने छैनन् । महिलाहरु बच्चा जन्माउने मेसिन होइनन् । महिलाहरु पनि बढी विश्वस्त र स्वतन्त्र छन् । ’
यो वाक्यांशले सिन्जियाङमा महिलाहरुलाई बाझोपन गराइएको भन्ने पुष्टि हुन्छ । सिन्जियाङ विकास अनुसन्धान केन्द्रको एक अप्रकाशित अध्ययनले सन् २०१८ मा यस क्षेत्रको जन्मदर र जनसंख्या वृद्धिदर घट्ने जनाएको थियो । चीनले धार्मिक र सांस्कृतिक सफायाका लागि सिन्जियाङमा अल्पसंख्यक उइगरहरुको नरसंहार गरिरहेको बताइएको छ ।
