- अर्थ सरोकार सम्बाददाता
काठमाडौं। राष्ट्रिय वाणिज्य बैंक लिमिटेड सञ्चालक समितिका अध्यक्ष धनिराम शर्माले आज पद तथा गोपनीयताको शपथ लिएका छन् । नेपाल राष्ट्र बैंकका गभर्नर महाप्रसाद अधिकारी समक्ष बैंक तथा वित्तीय संस्था सम्बन्धी ऐन, २०७३ को दफा १२७ को उपदफा १ बमोजिम उनले शपथ लिएका हुन् ।
बिहीबार बसेको बैंकको सञ्चालक समितिको बैठकले धनिराम शर्मालई अध्यक्षमा चयन गरेको थियो । शर्मा नेपाल सरकार अर्थ मन्त्रालयका सह सचिव समेत हुन् । शपथ ग्रहण कार्यक्रममा नेपाल राष्ट्र बैंकका डेपुटी गभर्नरद्धय चिन्तामणि शिवाकोटी र शिवराज श्रेष्ठको उपस्थिति रहेको थियो । साथै अन्य उच्च पदाधिकारीहरू सँगै राष्ट्रिय वाणिज्य बैंकका प्रमुख कार्यकारी अधिकृत किरणकुमार श्रेष्ठ लगायत अन्य कर्मचारीहरूको पनि उपस्थिति रहेको थियो ।
