• अर्थ सरोकार सम्बाददाता 

काठमाडौं । साताको कारोबारको तेस्रो दिन मंगलबार सुनको मूल्य बढेको छ । सोमबार प्रतितोला ९२ हजार २ सय रुपैयाँमा कारोबार भइरहेको छापावाला आज ६ सय रुपैयाँले बढेर प्रतितोला ९२ हजार ८ सय रुपैयाँ कारोबार भइरहेको छ । 

यता चाँदीको मूल्य पनि २० रुपैयाँले बढेर प्रतितोला एक हजार २ सय ५० रुपैयाँमा कारोबार भइरहेको छ । नेपाल सुनचाँदी व्यवसायी महासंघले आज प्रति १० ग्राम सुनको मूल्य ७९ हजार ५६० रुपैयाँ तोकेको छ भने प्रति १० ग्राम चाँदीको मूल्य १ हजार ७१  रुपैयाँ ५० पैसा कायम गरेको छ ।