जम्मु । पाकिस्तानको खैबर पख्तूनख्वा प्रान्तको कारक जिल्लामा एक हिन्दू मन्दिर ध्वस्त भएपछि यस घटनाको चौतर्फी विरोध हुनुका साथै पाकिस्तानको चर्को आलोचना भइरहेको छ । जम्मुको डोग्रा मोर्चाले पनि पाकिस्तानको हिन्दू मन्दिर भत्काएकोप्रति चर्को आलोचना गर्दै विरोध प्रदर्शन गरेको छ । मोर्चाका दर्जनौं कार्यकर्ताहरु उक्त विरोध प्रदर्शनमा सहभागी थिए । उनीहरुले पाकिस्तान र प्रधानमन्त्री इमरान खानको चर्को आलोचना गरेका थिए ।
‘फेरि उनीहरूले एक हिन्दू मन्दिर ध्वस्त पारे । हीरानगर नजिकको मन्दिरको बाहिर एउटा विष्फोट भयो । उनीहरू (पाकिस्तान) हिन्दू र मुसलमानहरुलाई एक अर्काविरूद्ध हिंसा भड्काउन खोजिरहेका छन् । तर हामी कुनै पनि हालतमा द्वेष फैलाउन दिनेछैनौं । उनीहरु जहिले पनि हाम्राविरुद्ध षडयन्त्र गरिरहेका छन्, ’डोग्रा मोर्चाका अध्यक्ष अशोक गुप्ताले भने । ‘त्यस देशमा कुनै प्रजातन्त्र छैन । हामीले हवाई हमलाको जस्तो बहु बालाकोट सञ्चालन गरेर उनीहरूलाई पाठ सिकाउनु पर्छ, ’ उनले थपे । भारतले शुक्रबार कूटनीतिक माध्यममार्फत पाकिस्तानमा औपचारिक विरोध जनाएको हो । त्यहाँ एक हिन्दू मन्दिरको तोडफोड भएको थियो ।
डिसेम्बर ३० मा, स्थानीय मुस्लिम धर्मगुरुहरूको नेतृत्वमा सयौं भन्दा बढी व्यक्तिको भीडले खैबर पख्तूनख्वा प्रान्तको कारक जिल्लामा एक हिन्दू मन्दिरलाई भत्काएर आगो लगाएका थिए । सामाजिक सञ्जालमा भाइरल भिडियो क्लिपमा हिंस्रक भीडले मन्दिरको भित्ता र छाना ध्वस्त पारेको देखाइएको छ ।पाकिस्तान र विश्वका अन्य भागमा रहेका मानव अधिकारकर्मीहरूले हिन्दू अल्पसंख्यक समुदायका विरुद्ध गरिएको यो कार्यको व्यापक रूपमा निन्दा गरेका छन् ।
