">
मुम्बई । बलिउड अभिनेत्री गरिमा गोयलले काश्मीर उपत्यका चलचित्र छायांकनका लागि उत्तम लोकेसन भएको बताएकी छन् । ‘यो फिल्म सुटिङका लागि एक अद्भुत स्थान हो र म यहाँ अधिक फिल्म इकाइहरु भएको हेर्न चाहान्छु,’ उनले भनिन् । सुटिङका लागि कश्मीरमा बस्ने नेटिफ्लिक्सको टोलीसँग रहेकी उनले मुम्बईको प्रोडक्शन हाउसमा आफ्ना साथीहरूलाई उनीहरूको झोला पैक गर्न र काश्मिरमा जान सुझाव दिने बताएकी छन् ।
‘पोल्याण्ड र स्विजरल्याण्ड जस्ता ठाउँहरूमा जानुको सट्टा कश्मीर आउनु उत्तम हुन्छ । के हाम्रो आफ्नै ठाउँमा सुटिङ गर्न हुँदैन र ?,’ सुपर लाउन्डीज र लिपस्टिक अण्डर माइ बुर्काजस्ता बलिउड फिल्महरूमा अभिनय गरेकी गरिमाले भनिन् । उनी तारक मेहता का उल्टा चस्मा, क्राइम पेट्रोल र टिभी कार्यक्रम अकबर बिरबलमा पनि अभिनय गरेकी छन् । गरिमाले काश्मीरको हिल स्टेशन गुलमर्ग पनि भ्रमण गरिन् । ‘हिउँ वर्षामा त्यहाँ हुनुको यो एक सुन्दर अनुभव थियो । मलाई एटीवी बाइक र स्लेज सवारीको आनन्द लाग्यो,’ उनले भनिन् । उनले कश्मीरी केहवाको पनि आनन्द लिइन् ।
‘यहाँ प्रस्तुत खानाले त होशै उडायो । म शाकाहारी भए पनि, मैले कश्मीरभन्दा राम्रो स्वादिस्ट आलु दाम र रज्मा चावल खाएको छैन,’ उनले भने, धेरै पर्यटकले काश्मिरी भोजनको स्वाद लिनसक्नेछन् ।’ गरिमाले कश्मिरीहरुको आतिथ्यबाट प्रभावित भएको बताइन् । ‘व्यक्तिहरू यहाँ धेरै सहयोगी छन् र तिनीहरू उस्तै प्रकृतिमा रहनुपर्छ,’ उनले भनिन् । उनले कश्मीरमा फिल्म र अन्य माध्यमहरूमार्फत पर्यटन उद्योगको प्रमोटन गर्न चाहेकोसमेत बताएकी छन् ।
