नयाँ दिल्ली । भारतीय प्रधानमन्त्री नरेन्द्र मोदी नेतृत्वमा भारतमा कोरोनाविरुद्धको युद्ध जितेको गृहमन्त्री अमित शाहले बताएका छन् । भारतीय गृहमन्त्री शाहले भने, ‘प्रधानमन्त्री मोदी नेतृत्वको सरकारले सफलतापूर्वक कोरोनाविरुद्धको युद्ध जितेको छ ।’
भुलापुरा गाउँमा र्यापिड एक्सन फोर्सको ९७औं बटालियनको भवनको शिलान्यास गर्दै गृहमन्त्री शाहले कोरोनाविरुद्धको खोप उपलब्ध भएपछि महामारी नियन्त्रणतर्फ गएको बताएका छन् । गृहमन्त्री शाहले कोरोनाविरुद्धको खोपले महामारी अन्त्यको सुरुवात भएको बताएका छन् । कोरोनाविरुद्धको लडाईं अन्तिम चरणमा पुगेको उनले बताएका छन् ।
भारतको कोरोनाविरुद्धको खोप अभियानले भारतलाई आत्मनिर्भर बनाएको र अदृश्य शत्रुु लाई पराजित गर्ने दिशामा अघि बढाएको बताएका छन् । सन् २०१९ को अन्तिममा देखिएको कोरोना भाइरसले विश्वभर महामारीको रुपमा लिँदै करिब २० लाख मानिसहरुको मृत्यु भइसकेको छ । भारतमा जनवरी १६ मा विश्वकै सबैभन्दा ठूलो खोप अभियान सुरु भएको थियो ।
