">
- अर्थ सरोकार सम्बाददाता
काठमाडौं । नेपाल इन्भेष्टमेन्ट बैंकको ३४औं वार्षिक साधारणसभा सम्पन्न भएको छ । बैंकको सभाले प्रस्तावित १३ प्रतिशत बोनस शेयर र ५.५० प्रतिशत नगद लाभांश पारित गरेको छ । सभाले अन्य कुनै बैंक तथा वित्तीय संस्था प्राप्ति गर्ने वा एकआपसमा गाभिने प्रयोजनका लागि आवश्यक सम्पूर्ण कार्य गर्ने अख्तियारी सञ्चालक समितिलाई दिने निर्णय समेत गरेको छ ।
हाल बैंकको चुक्तापूँजी १४ अर्ब २४ करोड ८९ लाख ५५ हजार रहेको छ । सोही पूँजीको आधारमा बैंकले लाभांश वितरण गर्नेछ । सभाका बैंकले पुस २२ गतेदेखि बुक क्लोज गरेको छ । बुक क्लोजको आधारमा पुस २१ गतेसम्म कायम शेयरधनीहरुले मात्र बैंकको लाभांश पाउनेछन् । बैंकको शेयर रजिष्ट्रार एनआइबिएल एस क्यापिटल लिमिटेड रहेको छ ।
