• अर्थ सरोकार सम्बाददाता 

काठमाडौं । पोखरा फाइनान्सले ९ करोड ६८ रुपैयाँ खुद नाफा कमाएको छ । कम्पनीको यो नाफा गत वर्षको भन्दा ७१.५३% धेरै हो । गत वर्ष कम्पनीले ५ करोड ६४ लाख रुपैयाँ नाफा कमाएको थियो । चालु आर्थिक वर्षको दोस्रो त्रैमासमा संथाको प्रतिसेयर आम्दानी २१ रुपैयाँ १२ पैसा (वार्षिक) रहेको छ भने प्रतिसेयर नेटवर्थ भने १४५ रुपैयाँ ३० पैसा छ ।

यस्तै यो त्रैमाससम्म आइपुग्दा संस्थाको खुद ब्याज आम्दानी १८.८०% ले बढाएर १९ करोड ६२ लाख रुपैयाँ पुर्याएको छ भने सञ्चालन नाफा पनि ८ करोड १२ लाख रुपैयाँबाट बढाएर १३ करोड ८४ लाख रुपैयाँ पुर्याएको छ । हाल यसको चुक्ता पुँजी ९१ करोड ७२ लाख रुपैयाँ रहेको छ ।