श्रीनगर । भारतको केन्द्र प्रशासित जम्मु काश्मीरमा विशिष्ट किसिमका चिनियाँ ग्रिनेडहरु बरामद गरिएका छन् । उत्तर कश्मीरको बारामुल्ला जिल्लामा ओभर ग्राउन्ड वर्कर (ओजीडब्ल्यू) को गिरफ्तार हुनु ठूलो सफलता भएको प्रहरीले जनाएको छ । युवाहरुलाई आतंकवादी दलमा भर्ती गर्ने कामसमेत भइरहेको खुलासा भएको छ । प्रहरीले उनीहरुको साथबाट विशिष्ट खाले चिनियाँ ग्रिनेडहरु र अन्य हतियारहरु बरामद गरिएको जनाएको छ । बारामुल्लाका वरिष्ठ प्रहरी उपरीक्षक (एसएसपी) अब्दुल कयूमले ओजीडब्ल्यूले नवनिर्वाचित काउन्सलरलाई मार्ने जिम्मेवारी पाएको बयान दिएको बताएका छन् ।
‘सुरक्षा बलले डिसेम्बर २, २०२० मा बारामुलामा तीन चिनियाँ ग्रेनेडसहित असिफ गुल भनेर चिनिने ओजीडब्ल्यूलाई पक्राउ गरेको थियो, कयूमले पत्रकार सम्मेलनमा भने’ । उनले भने सुरक्षा बलले उनलाई आठ महिना देखि खोजिरहेकोसमेत बताएका छन् । ‘अगस्ट १, २०२० मा आतंककारीहरूले सुरक्षा चौकीमा आक्रमण गरेपछि बारामुलामा केही जवान शहीद भएका थिए । उक्त आक्रमणको मुठभेडमा भागेका आतंककारीहरू–हाइदर र उस्मान अर्को गोलाबारीमा मारिएका थिए, ’उनले भने । उनले आक्रमणको अनुसन्धानको क्रममा आसिफको नाम पत्ता लागेको बताए । ‘असिफको नाम ओजीडब्ल्यूले राखेको थियो, जो अनुसन्धानको क्रममा पक्राउ परेको थियो । तर आसिफको विरुद्ध बारामुल्लाका विभिन्न प्रहरी चौकीमा दुई थानहरूमा उनको विरुद्ध २९ भन्दा बढी एफआईआर दर्ता भइसकेको छन्, ’उनले भने ।
‘उनको गिरफ्तारी बारामुलामा कार्यरत सुरक्षा बलका लागि लागि ठूलो सफलता हो । किनकि उनले आतंककारीलाई सहयोग मात्र गर्दैनन्, तर युवाहरूलाई आतंकवादी समूहमा भर्तीसमेत गर्दछन्, ’ उनले थपे । उनले असिफलाई विगतमा चार पटक सार्वजनिक सुरक्षा ऐन मुद्दा चलाइएको बताइएको छ । एसएसपीले उनीहरुबाट बरामद गरिएको ग्रिनेडहरु जम्मू एवं कश्मीरमा पहिलो पटक देखिएको बताएका छन् । ‘जम्मू-काश्मिरमा सुरक्षाबलले अहिलेसम्म त्यस्तो कुनै बमहरु देखेको थिएन । सबै ग्रेनेडहरू संयुक्त चेकपोइन्टमा खोजतलासका क्रममा प्लास्टिकको बोतलले भरिएको झोलामा राखिएका थिए, ’उनले थपे ।
