">
बेइजिङ । चीनको वुहानबाट सुरु भएको कोरोना प्रकोपले विश्व महामारीको रुप लियो । विश्वभर करोडौं मानिसहरु संक्रमित भए भने लाखौं मानिसहरुको मृत्यु भयो । कोरोना महामारीको उत्पत्तिबारे वुहान अस्पतालका एक चिकित्सकले उनी र उनका साथीहरूले सन् २०२० को जनवरीमा नै चिनियाँ अधिकारीहरूलाई जानकारी गराउँदा आफूलाई चेतावनी दिएको बताएका छन् ।
ती चिकित्सकले बीबीसीसँगको कुराकानीका क्रममा आफूहरुले चिनियाँ अधिकारीहरुलाई कोरोना भाइरसको संक्रमण दर र यो फैलिनसक्ने अवस्थाबारे जानकारी गराउँदा पनि आफ्नो दाबीहरुलाई अस्वीकार गरेको र चेतावनी दिएको बताएका छन् । कोरोना भाइरस र वुहान लकडाउनको पहिलो संक्रमितबीच ५४ दिनको एक वृत्तचित्र बनाएको छ । उक्त वृतचित्रमा चिकित्सकले चिनियाँ अधिकारीहरुको लापरबाहीबारे र स्वास्थ्यकर्मीहरुलाई चुपा लाग्न दिएको निर्देशनका विषयमा उल्लेख गरेका छन् । वुहान केन्द्रीय अस्पताल हुआननको वेट मार्केटबाट केही किलोमिटर टाढा छ ।
वुहान कोरोना भाइरस प्रकोपको केन्द्रबिन्दु हो र डिसेम्बर २०१९ मा पहिलो कोरोना संक्रमित देखिएको छ । अस्पतालका दुई सयभन्दा बढी कर्मचारीले भाइरस संकुचित गरेको बताइएको छ । कोरोना प्रकोपका ह्विस्टब्लोवर डाक्टर ली वेनलियांगको मृत्यु भएको थियो । अस्पतालको स्वास्थ्य विभागमा १० जनवरीसम्मा कोरोना भाइरस कति फैलिनसक्छ भन्ने यकिन भइसकेको तर चीन सरकारका लागि फैलिएको ती चिकित्सकले बताएका छन् । चीन सरकारकै कारण कोरोना प्रकोप नियन्त्रणबाहिर गएको ती चिकित्सकले बताएका छन् ।
