काठमाडौं । भारतले उपहार दिएको कोरोनाविरुद्धको खोपको पहिलो र दोस्रो चरणको खोप अभियान सम्पन्‍न भएर तेस्रो चरणको खोप अभियान चलिरहेको छ । भारतले नेपाललाई १० लाख डोज कोरोनाविरुद्धको खोप उपलब्ध गराएको थियो । नेपालमा सिरम इन्स्टिच्युटले उत्पादन गरेको कोभिशिल्ड खोपलाई मात्र हाल प्रयोगका लागि अनुमति दिइएको छ । भारतले भ्याक्सिन मैत्री पहलअन्तर्गत नेपालसहितका छिमेकी मुलुकहरुलाई कोरोनाविरुद्धको खोप उपलब्ध गराइएको हो ।

उक्त खोप पहिलो चरणमा फ्रन्टलाइनमा काम गर्ने स्वास्थ्यकर्मी र सफाइकर्मी, दोस्रो चरणमा पत्रकारसहित धेरै मानिसको सम्पर्कमा आउने मानिसहरुलाई लगाइएको थियो । कोरोनाविरुद्धको खोपको तेस्रो चरणको अभियान फगुन १० गते सोमबार (आज) देखि सुरु हुँदैछ । तेस्रो चरणको खोप अभियानमा सरकारी कार्यालय, सार्वजनिक संस्थान तथा बैंकका कर्मचारी, पत्रकार, स्थानीय तहका निर्वाचित जनप्रतिनिधि, सीमा सुरक्षा पोस्टमा खटिएका सुरक्षाकर्मी र पहिला छुट भएका स्वास्थ्यकर्मीलाई खोप लगाइने स्वास्थ्य तथा जनसख्या मन्त्रालयले जनाएको छ ।

पत्रकार र कूटनीतिक नियोगका कर्मचारीलाई खोप लगाएलगत्तै अर्को चरणको खोप कार्यक्रम फागुन २ देखि ८ सम्म निर्धारण गरिएको हो । फागुन २ बाट हुने अभियानमा ३ लाख जनालाई खोप लगाउने सरकारको योजना छ । उनीहरूलाई पहिलो चरणको पहिलो प्राथकितामा परेका स्वास्थ्यकर्मीलाई खोप दिएको ठाउँबाट खोप दिन लागिएको हो । यसअघि भारतले १० लाख मात्रा कोभिसिल्ड खोप अनुदानमा दिएपछि पहिलो चरणमा माघ १४ देखि २४ सम्म खोप कार्यक्रम सञ्चालन गरिएको थियो ।