• अर्थ सरोकार सम्बाददाता

काठमाडौं । महिला लघुवित्त वित्तीय संस्थाको आईपीओ निष्कासन मिति सरेको छ । कम्पनीले ४ करोड रुपियाँ बराबरको आईपीओ माघ २८ गतेदेखि निष्कासन खुला गर्ने भनेकोमा उक्त मिति सरेको हो । सिडिएस एण्ड क्लियरिङ्ग लिमिटेडले प्राविधिक कारण देखाउँदै अनुरोध गरेपछि मिति सारेको कम्पनीले जनाएको छ ।

उक्त आईपीओ अब माघ ३० गतेदेखि निष्कासन खुला हुने भएको छ । कम्पनीको आईपीओमा छिटोमा फागुन ४ र ढिलोमा फागुन १४ गतेसम्म आवेदन दिन सकिने भएको छ । कम्पनीले प्रतिसेयर अंकित मूल्य १०० रुपियाँ तोकेको छ । यो आईपीओ खरिदका लागि न्यूनतम १० कित्तादेखि अधिकतम १ हजार कित्तासम्म आवेदन दिन सकिने भएको छ ।

संस्थाले जारी पूँजी १० करोडको ४० प्रतिशतले हुन आउने ४ करोड रकम बराबरको ४ लाख कित्ता आईपीओ निष्कासन गर्न लागेको हो । जसमध्ये ५ हजार कित्ता कर्मचारीहरुको लागि र २० हजार कित्ता सेयर सामूहिक लगानी कोषका लागि छुट्याइएको छ । र बाँकी ३ लाख ७५ हजार कित्ता सेयर सर्वसाधरणको लागि छुट्याएको छ । उक्त आईपीओको बिक्री प्रबन्धक नेपाल एसबिआई मर्चेण्ट बैंकिङ लिमिटेड रहेको छ ।