">
- अर्थ सरोकार सम्बाददाता
काठमाडौं । नाडेप लघुवित्त वित्तीय संस्थाले पनि चालु आर्थिक वर्षको दोस्रो त्रैमासको वित्तीय विवरण सार्वजनिक गरेको छ । संस्थाले खुद नाफा २१३.४९% ले बढाएर १० करोड ८० हजार रुपैयाँ खुद नाफा कमाएको वित्तीय विवरण सार्वजनिक गरेको हो । गत वर्षको यसै अवधिमा संस्थाले ३ करोड १९ लाख २४ हजार रुपैयाँ मात्रै नाफा कमाएको थियो ।
संस्थाका दुइ महत्वपूर्ण सूचक खुद ब्याज आम्दानी र सञ्चालन नाफा दुवै बढेका छन् । जसकारण खुद नाफा २१३.४९% ले बढेको हो । खुद ब्याज आम्दानी ८२.९१% र सञ्चालन नाफा पनि २२३.७९% ले बढेको छ। यस्तै संस्थाका अनुसार प्रतिसेयर आम्दानी वार्षिक ४९ रुपेयाँ ४५ पैसा र प्रतिसेयर नेटवर्थ १८३ रुपैयाँ ४६ पैसा छ ।
