• अर्थ सरोकार सम्बाददाता

काठमाडौँ । साताको कारोबारको पहिलो आइतबार नेप्से घटेको छ । नेप्से परिसूचक बिहिबारको तुलनामा ७९.७४  अंकले घटेर २४७४.३९ बिन्दुमा पुगेको छ । नेपाल स्टक एक्सचेन्ज (नेप्से) का अनुसार आज २०७ कम्पनीको १ करोड ६० लाख १७ हजार ३२२ कित्ता सेयर खरिद बिक्री हुँदा ८ अर्ब ३५ करोडमाथिको कारोबार भएको छ ।

आज सबैभन्दा बढी कारोबार शिखर इन्स्योरेन्सको भएको छ । यस कम्पनीको १ अर्बमाथिको कारोबार भएको छ । त्यसपछि कारोबार क्रमश: निफ्रा र ग्लोबल आइएमई बैंकको भएको छ । आज १ समूह बाहेक अन्य सबै समूह घटेको छन् । यस्तै आज सबैभन्दा धेरै चन्द्रागिरी हिल्सका लगानीकर्ताहरुले कमाएका छन् भने गणपति माइक्रोफाइनान्सका लगानीकर्ताले सबैभन्दा धेरै गुमाएका छन् ।