">
- अर्थ सरोकार सम्बाददाता
काठमाडौं । चालु आर्थिक वर्षको दोस्रो त्रैमासमा युनाइटेड इन्स्योरेन्सले २ करोड ७४ लाख ९० हजार रुपैयाँ कमाएको छ । कम्पनीको यो नाफा गत वर्षको सोहि अवधिको तुलनामा ३५.६४% ले धेरै हो । गत वर्षको सोहि अवधिमा कम्पनीले २ करोड २ लाख ५९ हजार रुपैयाँ नाफा कमाएको थियो ।
यता पुष मसान्तसम्म बिमा कोषको आकार भने ३.५०% ले घटेर ३२ करोड ४४ लाख रुपैयाँमा सीमित भएको छ । यस्तै खुद बिमा शुल्क ४९.३४% ले बढेर २६ करोड ३० लाख रुपैयाँ पुगेको छ भने पुस मसान्तसम्ममा कम्पनीले २० करोड ९० लाख रुपैयाँ कुल दाबी भुक्तानी गरेको छ । भुक्तानी हुन बाँकी रकम ७२ करोड ५ लाख रुपैयाँ रहेको छ । पुस मसान्तसम्ममा संस्थाको प्रतिसेयर आम्दानी २ रुपैयाँ ३७ पैसा र प्रतिसेयर नेटवर्थ १४१ रुपैयाँ ७७ पैसा छ ।
