• अर्थ सराकार सम्बाददाता

काठमाडौं । उन्नति सहकार्य लघुवित्त वित्तीय संस्थाले वित्तीय विवरण सार्वजनिक गरेको छ । कम्पनीले चालु आर्थिक वर्षको दोस्रो त्रैमासको वित्तीय विवरण सार्वजनिक गरेको हो । कम्पनीले दोस्रो त्रैमाससम्ममा आईपुग्दा ४ करोड ७२ लाख ४० हजार रुपैयाँ खुद नाफा आर्जन गरेको छ । उन्नतिको खुद नाफा गत वर्षको यसै अवधिको तुलनामा ५२.९१ प्रतिशतले बढी हो ।

कम्पनीले गत वर्ष ३ करोड ८ लाख ९४ हजार रुपैयाँ मात्र खुद नाफा आर्जन गरेको थियो । यस्तै कम्पनीको खुद ब्याज आम्दानी पनि बढेको छ । कम्पनीको खुद ब्याज आम्दानी ५६.०५ प्रतिशतले बढरे १० करोड २८ लाख ३ हजार रुपैयाँ पुगेको छ । पुस मसान्तसम्ममा ८९ करोड १८ लाख ७२ हजार रुपैयाँ निक्षेप संकलन गरेको छ भने २ अर्ब ६८ करोड ७२ लाख ६२ हजार रुपैयाँ कर्जा लगानी गरेको छ ।

कम्पनीको हाल चुक्ता पुँजी १४ करोड ९५ लाख ३६ हजार रुपैयाँ रहेको छ र रिजर्भ कोषमा १२ करोड ४१ लाख ६१ हजार रुपैयाँ रहेको छ । खराब कर्जा १.८९ प्रतिशत रहेको छ । यस्तैगरी प्रतिसेयर आम्दानी ६३ रुपैयाँ १८ पैसा र प्रतिसेयर नेटवर्थ १८३ रुपैयाँ ३ पैसा रहेको छ ।