• अर्थ सरोकार सम्बाददाता

काठमाडौँ । साताको कारोबारको अन्तिम दिन बिहिबार नेप्से बढेको छ । बुधबारको तुलनामा नेप्से परिसूचक ४२.९५ अंकले बढेर दुई हजार चार सय ७५ दशमलब ०९ विन्दुमा पुगेको छ । नेपाल स्टक एक्सचेन्ज (नेप्से) का अनुसार आज ४ अर्ब ६४ करोड ३३ लाख बराबरको कारोबार भएको छ । एउटा समूहमध्ये अन्य सबै समूहमा हरियाली छाएको छ ।यस्तै कारोबार भएका कम्पनीमध्ये ४ कम्पनीको सेयर मूल्यमा सर्वाधिक वृद्धि भएको छ । दुई कम्पनीको सेयर मूल्य १० प्रतिशतले बढेका छन् भने अन्य दुई कम्पनीको सेयर मूल्य ९ प्रतिशत भन्दा बढीले बढेको छ ।