• अर्थ सरोकार सम्बाददाता 

काठमाडौं । महुली लघुवित्तको संस्थापक सेयर संस्थापक सेयर लिलामीमा बिक्री खुला भएको छ । एनआइसी एसिया बैंकको स्वामित्वमा रहेको महुली लघुवित्तको ५६ हजार २७० कित्ता संस्थापक सेयर लिलामीमा बिक्री खुला भएको हो । 

लिलामी सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् । यसमा न्यूनतम ७९१ रुपैयाँ भाउ राखेर आवेदन दिन सकिनेछ भने लगानीकर्ताले यसलाई न्यूनतम मूल्य आधार मानेर सो वा सोभन्दा बढी मूल्य अंकित गरी बोलपत्र पेश गर्नुपर्नेछ । यसमा वैशाख २१ गतेसम्म बोलपत्र पेश गर्न सकिनेछ ।

लगानीकर्ताले न्यूनतम १०० कित्ता अधिकतम सम्पूर्ण कित्ताका लागि पनि आवेदन दिन सक्नेछन् भने लिलामीको बोलपत्र बिक्री प्रबन्धक एनआइसी एसिया क्यापिटल, बबरमहलमा बुझाउन सकिनेछ ।