- अर्थ सरोकार सम्बाददाता
कञ्चनपुर । कञ्चनपुरमा फेरी नक्कली नोट छाप्ने एक जनामा पक्राउ परेका छन् । जिल्ला प्रहरी कार्यालय कञ्चनपुरका अनुसार कृष्णपुर नगरपालिका–९ पिपरिया बस्ने २५ वर्षिय सञ्जय राना नक्कली नोट र नोट छाप्न प्रयोग गरिने मेसिनसहित पक्राउ परेका हुन् ।
रानालाई मंगलबार राति १ हजारका २ वटा र १ सयका २ वटा गरेर ४ वटा नक्कली नोटसहित नियन्त्रणमा लिइएको जिल्ला प्रहरी कार्यालय कञ्चनपुरका प्रवक्ता तथा प्रहरी नायब उपरीक्षक अमर बहादुर थापाले जानकारी दिए । रानामाथि थप अनुसन्धान भइरहेको छ । कञ्चनपुरमा यसअघि पनि नक्कली नोट छाप्दै गरेको अवस्थामा एक दाम्यत्यलाई नियन्त्रणमा लिइएको थियो ।
