• अर्थ सरोकार सम्बाददाता 

काठमाडौं । नागरिक लगानी कोषको संस्थापक सेयर बुधबारबाट बिक्री खुला भएको छ । प्रिमियर इन्स्योरेन्सले आफ्नो स्वामित्वमा रहेको सीआइटीको १ लाख ३ हजार ७०० कित्ता संस्थापक सेयर बुधबारबाट बिक्री खुला गरेको हो । सो सेयरको न्यूनतम भाउ १३  सय ५० रुपैयाँ तोकिएको छ ।

लगानीकर्ताले यसलाई न्यूनतम मूल्य आधार मानेर सो वा सोभन्दा बढी भाउ अंकित गरी बोलपत्र पेश गर्नुपर्नेछ । यसमा चैत १९ गतेसम्म बोलपत्र पेश गर्न पाइनेछ । लगानीकर्ताले न्यूनतम १०० कित्ता र १० ले भाग जाने गरी अधिकतम सम्पूर्ण कित्ताका लागि पनि आवेदन दिन सक्नेछन् । यसमा बिक्री प्रबन्धक नबिल इन्भेष्टमेन्ट बैंकिङ नक्साल काठमाडौं र प्रिमियर इन्सुरेन्सको केन्द्रीय कार्यालय नक्साल काठमाडौंबाट पनि आवेदन दिन सकिनेछ ।