श्रीनगर । श्रीनगरस्थित नेशनल ईन्टीच्युट अफ टेक्नोलोजी (एनआईटी)का विद्यार्थीहरुले राष्ट्रिय उद्यमशीलता चूनौति (एनईसी) प्रतिस्पर्धाको उपाधी जितेका छन् । ईन्डीयन ईन्स्टीच्युट अफ टेक्नोलोजी (आईआईटी मुम्बई) विश्वविद्यालयमा आयोजित प्रतिस्पर्धामा एनआइटीका २२ जना विद्यार्थीहरुले राष्ट्रिय उद्यमशीलताको उपाधी जितेका हुन् । श्रीनगर एनआईटी विश्वविद्यालयका निर्देशक प्रोफेसर राकेश सेहगलले विद्यार्थी टोलीका सल्लाहकार डा. साद पर्भेजलाई धन्यावाद तथा बधाई दिएका छन् ।
यो राष्ट्रिय स्तरको प्रतिस्पर्धामा देशभरबाट विभिन्न कलेज तथा विश्वविद्यालयबाट विद्यार्थीहरु सहभागी हुने उनले बताए । प्रतिस्पर्धाहरुले विभिन्न अन्वेषण तथा उधमशीलता प्रस्तुत गर्ने महत्वपूर्ण प्रतिस्पर्धामा आफ्नो विद्यार्थीहरुले जित हासिल गर्नू गौरवको विषय भएको उनले बताएका छन् । एनईसी प्रतिस्पर्धाले क्याम्पसहरुमा उधमशीलताको वातावरण निर्माण गर्ने तथा विधार्थीहरुलाई नेतृत्व क्षमता विकास गर्न सहयोग गर्ने निर्देशक सेहगलले बताए ।
एनईसी प्रतिस्पर्धा छ महिना लामो समयसम्म सञ्चालन भएको थियो । सन् २०१६ मा श्रीनगर एनआईटी विश्वविद्यालय पाचौं र सन् २०१७ मा छैटौं स्थानमा आएको थियो । देशभरबाट सहभागी तीन सय बीस टोलीमध्ये श्रीनगर एन्आईटी विश्वबिधालयले पहिलो स्थान ओगटेको हो ।
