×

Live on

रेडियो अर्थ सरोकार

Listen to live radio.

ताप्लेजुङमा भएको चिनियाँ अतिक्रमणबारे किन बोल्दैन सरकार ?

GLOBAL IME BANK

ताप्लेजुङमा भएको चिनियाँ अतिक्रमणबारे किन बोल्दैन सरकार ?

१२ चैत्र २०७७, बिहीबार

पढ्न लाग्ने समय: १ मिनेटभन्दा कम

काठमाडौं । चीनले नेपाली भूमिमा अतिक्रमणलाई तीव्रता दिए पनि सरकार भने अझै मौन देखिएको छ । हुम्लामा गरेको सीमा अतिक्रमणका विषयमा चर्को जनदबाब हुँदा पनि सीमा मिचिएको छैन भनेर पन्छिएको सरकार ताप्लेजुङमा भइरहेको अतिक्रमणबारे बेखबरजस्तै बनेको छ । ताप्लेजुङको तिप्तला भञ्‍जाङ र ओलाङचुङगोलामा चीनले आफ्ना संरचनाहरु बनाएको छ । तर नेपाल सरकार भने यस विषयमा बेखबर बन्‍नुले सरकार मुलुकको स्वाधिनता, भौगोलिक अखण्डता र भूगोलको सुरक्षाका विषयमा निहित स्वार्थका लागि सम्झौता गरेको देखिन्छ ।
नेपाल-चीन सीमा अध्ययन-२०२१ को रिपोर्ट अनुसार चीनले नेपालका तीनवटा जिल्लामा चीनले भूमि अतिक्रमण गरेको पाइएको हो । नेपाल मानवअधिकार संगठनले तयार गरेको उक्त प्रतिवेदन अनुसार ताप्लेजुङको तिप्तला भञ्‍याङमा पनि चिनियाँद्वारा नेपाली भूमि अतिक्रमण गरेको छ । उक्त प्रतिवेदनमा भनिएको छ, ‘उत्तरी सीमा क्षेत्र तिप्तला भञ्‍याङमा चिनियाँ अतिक्रमण देखिन्छ । त्यसैगरि ओलाङचुङ गोलाका स्थानीय अनुसार चीनले नेपाली भूमिमा भन्सार कार्यालयको संरचना बनाएको छ ।’
प्रतिवेदनमा गेटसहितको उक्त भवन चिनियाँ भूमि पर्ने चिनियाँ अधिकारीहरुले बताएको उल्लेख छ । प्रतिवेदनमा थप भनिएको छ, ‘स्थानीयहरुले विरोध गरेपछि चिनियाँ पक्षले नो म्यान्स ल्याण्डमा उक्त संरचनाहरु बनाएको बताएका थिए । तर सरकारी अधिकारीहरुसँग बुझ्‍दा उत्तरी सीमा क्षेत्रमा कुनै नो म्यान्स ल्यान्ड निर्धारण नगरिएको पाइएको छ ।’ ओलाङचुङगोलाका स्थानीयहरुले भने चिनियाँ पक्षले उक्त भवनहरु नेपाली भूमिमा बनाएको बताइरहेका छन् । त्यहाँ चिनियाँ पक्षले भव्य भवनहरु बनाएको भन्दै स्थानीयले पटक-पटक गुनासो गर्दा पनि सरकार भने मौन देखिएको छ ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: