चिन । चिनियाँ सिनोफर्म खोप विश्वभर विवादित भैरहेकै बेला श्रीलंकाका एक सांसदले विश्व स्वास्थ्य संगठन (डब्ल्यूएचओ)को स्वीकृति बिना देशमा चिनियाँ खोप ल्याइएको भन्दै आपति जनाएका छन् । कोलम्बो पेज अनुसार सामगी जना बालावेगाया (एसजेबी) पार्टीका विपक्षी नेता मानुषा नानायकाराले चिनियाँ खोप विरुद्ध आपति जनाएका हुन् । ‘हाम्रा विज्ञहरू भन्छन् कि चिनियाँ खोपलाई विश्व स्वास्थ्य संगठनको स्वीकृति छैन ।

राष्ट्रिय औषधि नियामक प्राधिकरणका डाक्टर र अधिकारीहरूले पनि चिनियाँ खोप स्वीकृत गर्न नसक्ने बताएका छन । यद्यपि सरकारले चिनियाँ खोप नै आयात गर्यो ।’, उनले भने । उनले चिनियाँ खोपलाई स्वीकृति नदिएकोले औषधि नियामक प्राधिकरणका चार सदस्यलाई राजिनामा दिन लगाइएको समेत आरोप लगाएका छन् । उनले सरकारी र निजी क्षेत्रका वरिष्ठ चिकित्सकहरूले चिनियाँ खोपको प्रयोगमा चिन्ता व्यक्त गरेको बताउदै खोपमा राजितिकरण गरिएको प्रति दुख व्यक्त गरेका छन् ।