- अर्थ सरोकार सम्बाददाता
काठमाडौं । गणपति माइक्रोफाइनान्स वित्तीय संस्थाले चालु आर्थिक वर्षको तेस्रो त्रैमासमा २ करोड ५४ लाख रुपैयाँ खुद नाफा कमाएको छ । कम्पनीको यो नाफा गत वर्षको सोहि अवधिको तुलनामा ५९.२३% ले धेरै हो । अघिल्लो वर्ष यसैअवधिमा कम्पनीले १ करोड ५९ लाख रुपैयाँ नाफा कमाएको थियो ।
सार्वजनिक वित्तीय विवरण अनुसार कम्पनीको प्रतिसेयर आम्दानी वार्षिक २६ रुपैयाँ ६६ पैसा (वाषिक) रहेको छ भने प्रतिसेयर नेटवर्थ १३१ रुपैयाँ ३१ पैसा छ । यस्तै कम्पनीको खुद ब्याज आम्दानी पनि ७१.१२% ले बढेर ९ करोड ४७ लाख रुपैयाँ पुगेको छ ।
यता सञ्चालन नाफा भने २ करोड ३७ लाख रुपैयाँबाट घटेर २ करोड १७ लाख रुपैयाँमा झरेको छ । यसको खराब कर्जा भने १.२८% बाट बढेर २.६९% पुगेको छ ।
