">
- सुदर्शन श्रेष्ठ/अर्थ सरोकार सुदूरपश्चिम ब्युरो
धनगढी । सरकारी कार्यालयमा ‘विवाह’ ! सायद कमै सुनिने र सुन्दा पनि अस्वभाविक लाग्ने तर कैलालीमा निषेधाज्ञाकै दिन सरकारी कार्यालयमा विवाहको आयोजना गरिएको छ ।
कोरोनाका कारण जारी गरिएको निषेधाज्ञाको दोस्रो दिन नापी कार्यालय कैलालीमा विवाहको आयोजना गरिएको हो । नापी कार्यालयका एक कार्यालय सहयोगीका अनुसार कार्यालयका प्रमुख नापी अधिकृत सुदर्शन सिंह धामीको बहिनिको विवाह आयोजना गरिएको हो । उनले भने, कैलाली प्रशासनको अनुमतिबाटै विवाहको आयोजना गरिएको हो ।
यता जिल्ला प्रशासन कार्यालय कैलालीका प्रमुख जिल्ला अधिकारी खगेन्द्र रिजालले उक्त विवाहका लागि प्रशासनमा लिखित कुनैपनि सुचना नआएको र आफुले निर्देशन पनि नदिएको बताए । उनले भने, ‘कार्यालयका हाकिमको आफ्नै घर नभएकोले बहिनिको विवाहका लागि सरकारी कार्यालय प्रयोग गरेको भन्ने सुनेको छु तर आधिकारीक रुपमा प्रशासनले अनुमति भने दिएको छैन ।’
