इस्लामावाद । पाकिस्तानको कारक जिल्लामा शनिबार अज्ञात बन्दुकधारीले एक स्थानीय पत्रकारको गोली हानी हत्या गरेका छन् । पीडितको पहिचान स्थानीय मिडियाले वसीम आलम भएको खुलाएका छन् । उनी स्थानीय अखबार सदा-ए-कानूनगिरका सह सम्पादकको रूपमा कार्यरत थिए ।

पीडितकी आमाको तर्फबाट दर्ता गरिएको एफआईआरका अनुसार आलम मोटरसाइकलमा घर फर्किरहेका समयमा बटानीखेल सरकारी विद्यालय नजिक टार्गेट गरिएको थियो । पछि उनलाई अस्पताल लगिएको थियो, जहाँ उनलाई आगमनमा मृत घोषित गरिएको थियो । काराक प्रहरी चौकीका एक अधिकारीले डनलाछ दिएको जानकारी अनुसार यस विषयमा अनुसन्धान भइरहेको छ ।

उनका बुबा भने अस्पताल र अन्त्येष्टि कतै पनि उपस्थित थिएनन् । उनका बुबा आफन्तको साथ बसिरहेका थिए । पत्रकारकी आमाले एफआईआरमा संदिग्धका रूपमा कसैको नाम लिएको छैनन् । यस विषयमा तदारुकताका साथ अनुसन्धान गरेर कारबाही गरिनुपर्ने बताइएको छ ।