• अर्थ सरोकार सम्बाददाता 

काठमाडौँ । शाइन रेसुंगा डेभलपमेन्ट बैंकले सम्बन्धित लगानीकर्ताको डिम्याट खातामा बोनस सेयर जम्मा गर्न थालेको छ । बैंकले पुस १५ गतेसम्म सेयर डिम्याट गराएकाहरुको डिम्याट खातामा १३% बोनस सेयर जम्मा गर्न थालेको हो । 

बैंकले त्यसपछि डिम्याट गर्नेहरुको बोनस सेयर पनि खातामै जम्मा गर्ने तयारी भइरहेको जनाएको छ । यद्यपि  अहिलेसम्म पनि डिम्याट नगरेकाहरुले खातामा बोनस सेयर पाउनका लागि पहिला आफूसँग भएको भौतिक प्रमाणपत्र डिम्याट गर्नुपर्नेछ । अनिमात्र बोनस जम्मा गरिने बैंकले जानकारी गराएको छ ।

यता २०७६ असार २७ गते पश्चात सेयर खरिद गरी कायम भएका सेयरधनीले बोनस सेयर पाउन पहिला कर तिर्नुपर्नेछ । बैंकले कर तिर्नका लागि नेपाल इन्भेष्टमेन्ट बैंकको खाता नम्बर ०३६०१०४०२६५५७७ मा आग्रह गरेको छ ।