ताइपेइ । चीन सरकारले ताइवानबाट निर्यात हुने भुईकटहरमा प्रतिबन्ध लगाएको छ । ताईवान सरकारलाई आर्थिक दबाब दिन चीनले सो देशको भुईकटको निर्यातमा प्रतिबन्ध लगाएको हो । चीनको ताइवान मामिला कार्यालयले भने वनस्पति रोग सर्नबाट रोक्न र जैव सुरक्षाका दृष्टिकोणले भुईकटहरमा प्रतिबन्ध लगाएको जनाएको छ । यो सामान्य सावधानीको कदम रहेको बताइएपनि चीनले ताईवानलाई आर्थिक दबाब दिन यस्तो कदम चालेको अनुमान गरिएको छ ।

ताइवानी राष्ट्रपति कार्यालयका प्रवक्ता जेभिएर चानले चीनको प्रतिबन्ध गर्ने कदम मैत्रीभाव बिरोधी भएको टिप्पणी गरेका छन् । ताइवानमा प्रत्येक बर्ष चार लाख बीस हजार टन भुईकटहर उत्पादन हुने गर्दछ । चीनले ताइवानमाथि आफ्नो पूर्ण सार्वभौमिकताको दाबी गर्दै आएको छ भने भने ताइवानले आफु स्वतनत्र मुलुकको दाबी गर्दै आएको छ।