काबुल । अफगानिस्तानबाट अमेरिकी सेना फिर्ता हुने करिब सुनिश्चित भएपछि आतंकवादी समूह तालिबान र अलकायदाबीचको सम्बन्ध थप नजिकिएको छ । उनीहरुले सम्बन्धलाई पुनस्र्थापना गर्न खुफिया अधिकारीहरु लागिरहेको दुवै लडाकू समूहका सदस्यहरूले बताएका छन् । अफगानिस्तानमा रहेका एक खुफिया अधिकारी र गुप्त राजनीतिज्ञले द डेली बिस्टलाई भने, ‘तालिवानले संयुक्त राज्यको सबैभन्दा लामो युद्धबाट बच्न इस्लामीहरूको बिचमा ठूलो सम्मान आर्जन गरेको छ । तालिबान र अल कायदो एक अर्काको सम्मान गर्दछन् । यदि अफगानिस्तानमा शान्ति र स्थायित्व छैन भने तिनीहरूे एक अर्काका प्यारी हुन सक्छन् ।’

कूटनीतिज्ञसहित धेरै अफगानी अधिकारीहरूले अल कायदाले तालिबानी विद्रोहीसँग घनिष्ट सम्बन्ध कायम गरिरहेको बताएका छन् । गत वर्ष अमेरिकासँग भएको तालिबानको सम्झौतापछि अलकायदासँगको सम्बन्ध तोड्न आग्रह गरिएको थियो । तर तालिबानले भने उक्त सम्झौता तोडने विषयमा कुनै निर्णय गरेको छैन । तालिबान समूहले अफगानिस्तान कब्जा गर्नका लागि अमेरिकी सेना फिर्ताको समय कुरिरहेको बताइएको छ । अमेरिकाले सेप्टेम्बर ११ मा आफ्ना सबै सेनाहरुलाई फिर्ता गरिसक्ने घोषणा गरेको छ । तालिबानी वार्ता टोलीका वरिष्ठ सदस्य सोहेल शाहीनले डेली बिस्टलाई भने कि बाइडेन प्रशासनले मे १ मा आफ्ना सबै सो फिर्ताको अन्तिम मिति तय गरेको भए पनि त्यो पूरा गर्न असफल भएको छ ।

तालिबान समूहले अमेरिकाले सन् २०१९ मा भएको शान्ति सम्झौताको उल्लंघन भएको आरोप लगाएको छ । तालिबानी समूहले अमेरिकाले आफ्नो प्रतिबद्धता पूरा गर्न नसकेका कारण तालिबानी समूहले पनि सम्झौता कार्यान्वयन गर्न कुनै बाध्यकारी नभएको उनले बताएका छन् । पेशावरमा बस्ने एक अल कायदाका सदस्यले तालिवानसँगको साझा ग्लोबल एजेन्डालाई अघि बढाउन आफूहरु तयार भएको बताएका छन् । ‘हामी संयुक्त राज्यविरुद्ध लामो संघर्ष गर्दैछौं । अल कायदा र बिन लादेनको मिसन कहिले अन्त हुँदैन । यदि अफगानिस्तानमा तालिबानीले संयुक्त राज्य अमेरिकाको बिरूद्ध युद्ध जित्दै छ भने त्यसले अल कायदा र बिन लादेनको अन्तिम अन्तिम लक्ष्य साझा गर्दैछ ।’