">
- अर्थ सरोकार सम्बाददाता
काठमाडौं । नागरिक लगानी कोषले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । कम्पनीले खुद नाफा ५६.०३% ले बढाएर ५९ करोड २० लाख ९ हजार रुपैयाँ कमाएको वित्तीय विवरण सार्वजनिक गरेको हो । अघिल्लो वर्ष कोषले ३७ करोड ९४ लाख रुपैयाँ मात्रै नाफा कमाएको थियो ।
यस्तै ब्याज आम्दानी १२ करोड ४३ लाख ६३ रुपैयाँले बढेर १८ करोड २१ लाख ६३ हजार रुपैयाँ पुगेको छ । गत वर्ष ६१ करोड ६२ लाख रुपैयाँ रहेको सेवा शुल्क तथा कमिसन आम्दानी यस वर्ष ७९ करोड २ लाख रुपैयाँ पुगेको छ । विधि आम्दानी १६ लाखबाट १ करोड ५३ लाख रुपैयाँ पुगेको छ । कम्पनीको सेयर पुँजी ३ अर्ब रुपैयाँ पुगेको छ ।
कम्पनीले मुद्दति निक्षेपमा ९८ अर्ब १४ करोड ६१ लाख ७३ हजार रुपैयाँ राखेको छ भने संगठित संस्थाको सेयरमा १३ अर्ब ६० करोड ७३ लाख ७ हजार रुपैयाँ लगानी गरेको छ । कोषको प्रतिसेयर आम्दानी वार्षिक २६ रुपैयाँ र प्रतिसेयर नेटवर्थ १५६ रुपैयाँ रहेको छ ।
